إكسبريس تيفي-متابعة
قالت تقارير محلية أن غرفة لجنايات الابتدائية بمدينة طنجة أنها أدانت نهار الثلاثاء الماضي طالب عندو 19 عام بعقوبة سجنية ثقيلة بعد لمتابعة ديالو على الضرب و لجرح المؤدي للموت دون نية إحداثو.
وتحكم على هاذ الطالب لي كان كيتابع دراسة ديالو فلبكلوريا ب 15 عام سجناال نافدا، وقال المحكوم عليه خلال جلسة الاستماع إليه من طرف هيئة المحكمة، انه كان فحالة دفاع عن النفس وشرف على حد لوصف ديالو، حيث تمت هاذ الواقعة مني كان غادي المتهم مع بنت أكد فجميع مراحل المحاكمة أنها خطيبتو.
وهاذ شي تم بمحيط مقبرة لمجاهدين بمدينة طنجة، وأضاف الجاني أن لخطيبة ديالو طلبات منو انه يمشي لبلاصة مهجورة بغرض قضاء لحاجة ديالها فواحد لفيلا مهجورة تما.
باش من بعد تتفاجأ انه كين تما جوج ديال لأشخاص لي واحد منهم جبد عليهم السلاح، وطلب منهم يعطيوه 1000 درهم مقابل يخليهم يمشيو بحالهم.
ومني رفضو يعطيوه لي بغا حاول إكراه البنت باش تمشي معاهم باش يغتاصبوها، ومني المتهم سمعها كتغوت دخل باش يعتقها، لقاها عريانة تماما ، و جبد عليه واحد فيهم الموس وقدر المتهم يحيد ليه السلاح، ووجه ليه ضربة قاتلة فلعنق ديالو.
