راديو إكسبرس
البث المباشر
محمد تحفة/
واخّا كنا عارفين شحال كيحقد جيراندو على المغرب، ما كناش نتصورو أنه يوصل بيه الهوس باش يتهكم حتى على المساعدات الإنسانية لي رسلها الملك محمد السادس لقطاع غزة.
لكن… أنا كنت متأكد من الأول: غادي يدور ويدور ويرجع يهاجم الملك، لأنه هو الهدف الحقيقي ديالو، أما التطبيع راه غير “واجهة ديال اللعب”.
تهكم على وجود مطار بغزة، وبدى كيهدر على المساعدات بحال إلى طاحت عليه من السماء، و نسى باللي الطائرات لي كتدخل بها المساعدات العسكرية ماشي Dreamliner، راه C-130، طائرات ميدانية كتوصل فالصهد والتيران، ماشي فالفنادق الخمس نجوم.
وراس الدنجالة واش عارف أن أول طائرة هبطت فمطار غزة سنة 1997 بعد اتفاقيات أوسلو كانت طائرة c 130 بتعليمات الحسن الثاني الله يرحمو
ولكن بصراحة، واش كنتو كاتنتظرو منو يفهم الفرق؟ السيد ما كيميزش بين طائرة إغاثة وطائرة غادي يشدها يتلاقى مع شبيه الهمة في مدريد ههههه.
المغرب كيتصرف برجولة وسيادة، كيبني علاقات، وكيدعم الميدان، ماشي الهضرة. أما هو، فباقي كيدير فيها “الضمير الثوري” من وراء الكاميرا، وهو فالحقيقة كيتمنى يشوف راس المغرب طايح، ولكن كيتقهر كل مرة كيشوفو طالع.
المغرب كيبعث C-130 عامرة بالمساعدات… وجيراندو كيبعث C-كلام عامر بالحقد.
جيراندو… “عدو التطبيع” المزعوم، الذي لا يطيق أن يرى المغرب يطبّع بشرف، ويقاوم بشرف، ويتحرّك بسيادة، دون أن يستأذن لا هو… ولا أوهامه.
