إكسبريس تيفي/✍️نجيبة جلال:
من أجمل ما طبع طفولتي هي زيارات واحد الشخص كيجي للاب ديالي و كان يحضر من العروبية …هذا السيد رحمه الله الذي كان متزوجا باحدى بنات عمة الاب ديالي كان سبيسيال …اسمه شيشاوة و كان طويل و دائما فوق رأسه طربوش مستوحى من تصاميم الراحل محمد الخامس….
مهم كان النشاط عندنا يجي و يبقى يعاود لينا المغامرات ديالو….في الحرب العالمية الثانية ، مغامرات من قبيل كان مع الجنود صحابو. ( ريجيمون ) فشي منطقة كلها ثلج، و ما عندهم ما يكلو و هو يضرب الارض بمكحلة ( سلاح) و تشتت الثلج و لقاو ما يزيد عن عشرين راس ديال الغنم و قالك باتو كيشويو و شبعو بفضله هو …….
هاذ السيد هو نفسه لي عاود لينا ( انا و خوتي) انه نهار دار تحاليل ديال الدم ديالو ، تقلبات الدنيا و خرجو المخازنية كيقلبوا عليه حيت لقاو عندو فصيلة دم بحال ديال الحمار و حق سيدي ربي الا قالها لينا !!!!!
هادشي كنت انا و خوتي كنحماقو نسمعو ليه و حنا عارفينو كذوب ، و الوالدين يصححون طبعا و لكن حنا راه كان احسن ضيف كيجي عندنا هو هذاك ، لان معاه كنا كنموتوا بالضحك
دابا اليوم وانا كنسمع هاذ المقطع ديال علي لمرابط..تفكرت شيشاوة الله يرحمو و قلت ما فيها باس ، ننشر ليكم ضحكوا شوية حتى انتوما، عليوان او وشاش الحومة مزيان يكذب هو كيجمع الذنوب و حنا كنضحكًو….
السيد كيتكلم على سيدنا الله ينصرو و الامير مولاي رشيد. و مولاي اسماعيل بحال الا كان جالس وسط منهم و كيعاود تفاصيل بحال الا راه كان كيسربي ليهم اتاي
اودي ، يا وشاش الحومة .دوي و قل لي بغيتي في النهاية انت تعبر عن عقدتك : كنت دائما تحلم بانك تكون مقربا للقصر ..للاسف المرض العقلي ديالك و الدوا و الخبث لي فيك حطم الحلم ديالك!!!!!!!
